Առողջապահության նախարար Արսեն Թորոսյանը մի շարք զիջումներ կանի՝ ծխելու դեմ պայքարի օրինագծի առնչությամբ: Այս մասին այսօր ԱԺ տնտեսական հարցերի մշտական հանձնաժողովի նիստում հայտարարեց հանձնաժողովի նախագահ, «Իմ քայլի» պատգամավոր Բաբկեն Թունյանը: Հիշեցնենք, որ այս օրինագիծն արգելում է փակ, բաց եւ կիսաբաց տարածքներում ծխելը: Սակայն ինչպես Բաբկեն Թունյանը տեղեկացրեց, նախարարի հետ համաձայնության են եկել՝ կիսափակ շինություններում ծխելը չի արգելվի:
Թունյանի փոխանցմամբ՝ չի արգելվի նաեւ հանրային սննդի կետերում ծխախոտի վաճառքը: Փոխարենը սուպերմարկետներին կարգելվի տաղավարներում ծխախոտային արտադրանք ցուցադրել, սակայն սա չի վերաբերում փոքր առեւտրի կենտրոններին եւ օդանավակայաններին: Բաբկեն Թունյանի փոխանցմամբ՝ նախարարությունը նաեւ հրաժարվել է օրինագծի այն կետից, որով բոլոր ծխախոտները պետք է արտադրվեին մեկ միանման տուփով՝ անկախ արտադրող ընկերությունից:
Լուիզա ՍՈՒՔԻԱՍՅԱՆ
