Հայաստանի Հանրապետության պարտքն է ներկայացնել Գևորգ Կոստանյանին վերաբերող բոլոր փաստաթղթերը, իսկ արդեն կալանավորելու որոշումը յուրաքանչյուր երկրի սուվերեն իրավունքն է։ Այսօր լրագրողների հետ զրույցում անդրադառնալով ՀՀ նախկին գլխավոր դատախազ Գևորգ Կոստանյանի նկատմամբ հետախուզում հայտարարելու մասին ՀՔԾ որոշմանը՝ ասաց ՀՀ գլխավոր դատախազ Արթուր Դավթյանը:
«Յուրաքանչյուր երկիր ինքն է սուվերեն այդ որոշումը կայացնում, թեև այդ սուվերենությունն անսահմանափակ չէ։ Կոնվենցիաներ ունենք նաև հստակ ու կատեգորիկ կարգավորումներ»,– ասաց գլխավոր դատախազը:
Հիշեցնենք, որ Կոստանյանին մեղադրանք է առաջադրվել 2008–ի մարտի 1-ի գործով:
Ըստ մեղադրանքի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը և Գևորգ Մհերյանը պահանջել են հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:
Կարդացեք նաև
Արփինե ՍԻՄՈՆՅԱՆ
