«Բավականաչափ լուրջ դիմադրություն կա Հայաստանում Ստամբուլյան կոնվենցիայի վավերացման դեմ»,- «Հայելի» ակումբում լրագրողների հետ հանդիպմանը վստահեցրեց «Ազգային օրակարգ» կուսակցության խորհրդի նախագահ Արա Հակոբյանը։
Նա ասաց․«Մեր հասարակության ճնշող մեծամասնությունը դեմ է, որ մեր ավանդական արժեքների դեմ կոնվենցիա ընդունվի»։
Արա Հակոբյանն ասաց, որ Կոնվենցիան մինչև ԱԺ մտնելը պետք է ուղարկվի ՍԴ, և հայտնի չէ, թե ՍԴ-ն ինչ որոշում կընդունի։
Արա Հակոբյանը հայտարարեց․ «Միարժեք է՝ հանրության պայքարը իր ընտանիքի ընկալման, ինքնության, մեր երեխաների ապագայի համար, ի վերջո հայ ինքնության ընդհանրական գաղափարախոսության համար ազդելու է ցանկացած որոշման՝ այդ թվում կառավարության որոշման վրա»։
Կարդացեք նաև
Արա Հակոբյանը զգուշացրեց՝ ՀՀ կառավարությունը փորձում է տարբեր օրենքներով կոնվենցիոն թեզերը դնել շրջանառության մեջ կամ դրան իրավական տեսք տալ․«Այն ուժերը, որոնք դեմ են կոնվենցիայի վավերացմանը, հորդորում եմ հետամուտ լինեն նաև առանձին իրավական նորմերի դեմ պայքարին»։
Տաթև ՀԱՐՈՒԹՅՈՒՆՅԱՆ
