«Էրդողանի հոխորտալից հայտարարությունները ողջ աշխարհին են ծանոթ: Կարծում եմ՝ Անկարայի արտաքին քաղաքականության համար սպառնալիք է այն, որ ԱՄՆ վարչակարգի կողմից Հայոց ցեղասպանության ճանաչումը կհարվածի թուրք-ամերիկյան հարաբերություններին: Այսինքն, Էրդողանը նժարի վրա է դնում Հայոց ցեղասպանության ճանաչումն ու թուրք-ամերիկյան հարաբերությունները»,-Aravot.am-ի հետ զրույցում անդրադառնալով Թուրքիայի նախագահ Ռեջեփ Թայիփ Էրդողանի կողմից օրերս արված հայտարարությանը, թե ԱՄՆ ներկայացուցիչների պալատի՝ Հայոց ցեղասպանությունը ճանաչող բանաձեւն ամոթալի քայլ է եւ դրա հեղինակները քայքայում են թուրք-ամերիկյան հարաբերությունները, ասաց լիբանանյան «Ազդակ» օրաթերթի գլխավոր խմբագիր Շահան Գանտահարյանը:
Նրա բնորոշմամբ՝ ԱՄՆ-ն եւս քաղաքական խաղի կանոններով է առաջնորդվում եւ Թուրքիային ճնշելու առիթի դեպքում բոլոր խաղաքարտերը չի օգտագործում:
Հիշեցնենք, որ օրերս Հայոց ցեղասպանությունը ճանաչող բանաձևի վրա ԱՄՆ Սենատում երկրորդ անգամ էլ էր վետո դրվել: Այդ անգամ վետոն կիրառել էր ԱՄՆ Ջորջիա նահանգի հանրապետական սենատոր Դևիդ Փերդյուն։
Մանրամասն՝ տեսանյութում
Կարդացեք նաև
https://www.facebook.com/aravot.am/videos/1503832473103017/
Լուիզա ՍՈՒՔԻԱՍՅԱՆ
