Ռուսական ORSIS ընկերության գլխավոր տնօրեն Վլադիմիր Զլոբինը հերքել է այն տեղեկությունը, թե ընկերությունը Հայաստանի պաշտպանության նախարարությունից հրաձգային զենքի շուկայում մենաշնորհ է պահանջում փամփուշտի գործարան կառուցելու դիմաց, հաղորդում է «ՌԻԱ Նովոստին»:
«Վերջերս մենք հայկական լրատվամիջոցներում շահարկումներ նկատեցինք այդ հարցի շուրջ, թե իբր ներդրումներ կատարելու դիմաց մենք պահանջել են մենիշխանական դիրք տեղի հրաձգային զենքի շուկայում: Դա բացարձակապես չհիմնավորված է, մեր բոլոր հանդիպումները հայկական կողմի հետ գրանցված են արձանագրությամբ և նամակներով, մենք ոչ մի անգամ մեզ համար մենիշխանություն չենք պահանջել»,- ասել է Զլոբինը:
Միաժամանակ, նա նշել է, որ եթե ներդրում է կատարվում արդյունաբերության մի ճյուղի մեջ, որը երկրում «դե ֆակտո բացակայում է», ապա ներդրողն իրավունք ունի իր համար խնդրել «որոշակի արտոնություններ»: Նա նկատել է, որ նախագծում ներդրումները միայն ռուսական են:
Անդրադառնալով ընդհատված տենդերի քննության գործին, նա նշել է, որ այն անարդարացիորեն ձգձգվում է:
Կարդացեք նաև
«Քննչական կոմիտեում մեր գործի քննությունը անարդարացիորեն երկար է ձգվել՝ 4 ամիս, այդ ընթացքում չի մատնանշվել որևէ կասկածյալ, գործը ակնհայտորեն ձգձգվում է: Դրա հստակ պատճառները դեռ առանձին կպարզվեն»,- ասել է նա:
Պատրաստեց՝ Վիկտորյա ԱՆԴՐԵԱՍՅԱՆԸ
