Հանրային խորհրդի անդամ Արծրուն Պեպանյանն էլ նկատեց, որ ՀԽ-ի համապատասխան հանձնաժողովները պետք է նիստ հրավիրեն և հանձնաժողովի նոր նախագահ ընտրեն, որն էլ ավտոմատ կդառնա Հանրային խորհրդի անդամ։ Դրանից հետո կառավարությունը կարող է Հանրային խորհրդի նոր նախագահ նշանակել։ Նկատեցինք, որ Վազգեն Մանուկյանը նախընտրեց «Վերնատուն» ակումբի գործունեությունը, հրաժարական տվեց ՀԽ-ի նախագահի պաշտոնից, չի՞ պատրաստվում Արծրուն Պեպանյանն էլ հեռանալ Հանրային խորհրդից և զբաղվել այդ ակումբով, քանի որ ներկա էր նրա համաժողովին։
«Ես անդամ չեմ, ինձ հրավիրել են, ես, որպես հրավիրյալ, գնացել, մասնակցել եմ, հետո հեռացել»,- արձագանքեց նա։
«Իսկ հնարավոր չէ՞, որ առաջիկայում անդամակցեք «Վերնատանը»,- հետաքրքրվեցինք Արծրուն Պեպանյանից։
«Կախված է այն բանից, թե իրենք ինչ ծրագիր կունենան։ «Հանրային խորհրդի մասին» օրենքում գրված է, որ ՀԽ անդամը պետք է լինի քաղաքականապես չեզոք։
Կարդացեք նաև
Հիմա մենք ուզում ենք հասկանալ, թե որն է այդ չեզոքը։ Երբ օրենսդրորեն դա կբացատրեն, մենք այդ մասին կմտածենք։ Գուցե ես էլ չեզոք չեմ, քանի որ հաղորդաշար եմ վարում, կարծիքներ եմ հայտնում»,- ասաց մեր զրուցակիցը։
Նկատեցինք, որ, օրինակ, «Վերնատուն» ակումբը տարածում է քաղաքական հայտարարություններ, միջամտում է նույնիսկ իրավապահ, դատական համակարգի գործունեությանը՝ հորդորելով փոխել Ռոբերտ Քոչարյանի խափանման միջոցը՝ կալանքը։
«Դա Ձեր կարծիքն է, դա պետք է սահմանված լինի օրենքով։ Իրենք ազատ քաղաքացիներ են, Հանրային խորհրդի անդամ չեն, ինչ ուզեն՝ կհայտարարեն»,- ասաց Արծրուն Պեպանյանը։
Հետաքրքրվեցինք՝ կա՞ ճգնաժամ Հանրային խորհրդում։
«Բացարձակ։ Շատ ուրախ, առողջ կազմակերպություն է։ Իսկ Հանրային խորհրդի անդամներին մինչև գալիք տարվա ապրիլ հնարավոր չէ փոխել»,- նշեց նա։
Հոդվածն ամբողջությամբ՝ «Ժամանակ» օրաթերթի այսօրվա համարում:
