Երեւանի ընդհանուր իրավասության դատարանն այսօր մեկ ամսով երկարաձգել է երկրորդ նախագահ, Մարտի մեկի գործով մեղադրյալ Ռոբերտ Քոչարյանի աջակիցներից Սարգիս Օհանջանյանի կալանքի ժամկետը: Նման միջնորդություն էր ներկայացրել նախաքննական մարմինը:
Ինչպես Aravot.am-ին տեղեկացրեց Օհանջանյանի շահերի պաշտպան, փաստաբան Վահե Եփրիկյանը, իր միջնորդությունն էլ՝ Օհանջանյանի կալանքը գրավի դիմաց ազատությամբ փոխարինելու մասին, մերժվել է: «Գնահատականս նույնն է՝ Սարգիս Օհանջանյանը քաղաքական բանտարկյալ է եւ շարունակում է մնալ այս կարգավիճակում»,-համոզմունք հայտնեց Վահե Եփրիկյանը:
Ի տարբերություն նախաքննական մարմնի՝ նա կարծում է, որ Օհանջանյանի կալանավորված մնալու հիմքերը բացակայում են. «Դատարանի այս որոշումը, բացի իշխանության հիմքին հաճելի լինելուց, այլ որակում չունի»:
Հիշեցնենք, որ Սարգիս Օհանջանյանը, ինչպես նաեւ՝ Նարեկ Մութաֆյանը, բերման էին ենթարկվել Քոչարյանի եւ մյուսների գործով դատավոր Աննա Դանիբեկյանի հանդեպ անհարգալից վերաբերմունքի դեպքի առթիվ: Նրանք փողոցում հարցեր էին տվել դատավորին եւ տեսանկարահանել: Մեղադրվում են արդարադատությանը խոչընդոտելու հոդվածով:
Մանրամասները՝ տեսանյութում
Կարդացեք նաև
https://www.facebook.com/aravot.am/videos/345091756362225/
Լուիզա ՍՈՒՔԻԱՍՅԱՆ
