Նոյեմբերի 20-ին, ժամը 09.10-ը ոստիկանության Մաշտոցի բաժնում հաղորդում է ստացվել, որ նոյեմբերի 19-ի, ժամը 18-ից նոյեմբերի 20-ի ժամը 09-ն ընկած ժամանակահատվածում գողացել են Բաշինջաղյան փողոցի շենքերից մեկի բակում կայանված «Մերսեդես» ավտոմեքենայի կողային հայելին՝ պատճառելով 50.000 դրամի վնաս:
Մաշտոցի քրեական հետախույզների ձեռնարկած միջոցառումների շնորհիվ պարզվել է, որ հափշտակությունը կատարել է 40-ամյա մի տղամարդ, որը գողոնը պահում է Լուկաշին փողոցի տներից մեկում:
Զննությամբ հայտնաբերվել է գողոնը և այլ ավտոմեքենաների հայելիներ:
Նույն օրը, ժամը 18.20-ին, տղամարդը գողություն կատարելու կասկածանքով բերման է ենթարկվել բաժին և տվել խոստովանական բացատրություն։ Հայտնել է նաև, որ Երևան քաղաքի տարածքում կայանված ավտոմեքենաներից կատարել է այլ գողություններ և գողության փորձեր ևս:
Ձեռնարկվում են միջոցառումներ նրա գործողություններից տուժած անձնաց հայտնաբերելու ուղղությամբ:
Նախապատրաստվում են նյութեր:
Կարդացեք նաև
ՀՀ ՈՍՏԻԿԱՆՈՒԹՅՈՒՆ
