Քաղաքագետ Վիգեն Հակոբյանի բնութագրմամբ, հայկական կողմի որոշ շեշտադրումներ՝ Արցախի հարցի կարգավորման մասով, տրանսֆորմացիա են ապրում. եթե նախկինում խոսվում էր ազգերի ինքնորոշման մասին, ապա այժմ, հարցի պատասխանատուները առաջ են մղում կարգավիճակի, մարդու իրավունքների եւ անվտանգության հարցերը: Նա հիշեցնում է, որ նման տարբերակի մասին տարիներ առաջ իր հոդվածներից մեկում խոսել էր առաջին նախագահ Լեւոն Տեր-Պետրոսյանը. «Արցախի հարցի շուրջ որոշակի տրանսֆորմացիաներ կան: Ես չեմ կարծում, որ դա շատ ընդգծված է, քանզի մեկ դա է դոմինանտ դառնում, մեկ հետ են գալիս դեպի ինքնորոշում:
Իմ կարծիքով, հայկական կողմի ստրատեգիական մոտեցումները մինչեւ վերջ հստակեցված չեն եւ ձեւափոխվում են՝ իրավիճակից ելնելով: Ուստի, պատահական չէ, որ քաղաքական դաշտում շատերը չեն կարողանում հստակ հասկանալ՝ մեկ շաբաթ առաջ արված հայտարարությունը այսօր օրակարգայի՞ն է, թե՝ ոչ»: Ինչ վերաբերվում է ՌԴ ԱԳ նախարարի՝ Երեւանում արած հայտարարություններին, որոնք ոգեւորություն էին առաջացրել, մեր զրուցակցի կարծիքով, Սերգեյ Լավրովը՝ ելնելով ՌԴ աշխարհաքաղաքական շահերից, Նիկոլ Փաշինյանի թեզը փորձում է տեղավորել «Լավրովյան պլանի» մեջ:
Զրույցն ամբողջությամբ՝ «Առավոտ» օրաթերթի այսօրվա համարում:
