«30 տարի պետությունը կործանած, ժողովրդին կեղեքած, նաեւ՝ ահաբեկած, Երեւանում քաղաքացիներին գնդակահարած, բանտերում եւ ոստիկանական բաժանմունքներում նրանց տանջամահ արած ռեժիմի մնացորդներն ու նրանց սազանդարները, բնականաբար, պետք է իրենց ձեռքը բռնած ուժին «ահաբեկիչ» անվանեն: Մինչդեռ «ահաբեկիչներին» չակերտավոր «ահաբեկելը» պատիվ է»,-լրագրողների հետ զրույցում այսօր անդրադառնալով փաստին, որ Վազգեն Մանուկյանի հիմնադրած «Վերնատուն» քաղաքական ակումբի համաժողովի ելույթներից մեկում «Սասնա ծռերն» անվանվել են ահաբեկիչներ, ասաց «Սասնա ծռեր» կուսակցության քարտուղարության համակարգող Վարուժան Ավետիսյանը:
Նրա գնահատմամբ՝ այդ հավաքը «Վերնատուն» անունով կոչելը վիրավորանք է հայ մեծերի հանդեպ. «Վերնատանը Թումանյան եւ Կոմիտաս կային, իսկ այստեղ հասկանալի է, թե ինչ է հավաքված: Մերժված մարդիկ են եւ նրանց ձայնակցող առանձնյակներ, որոնց իրական նպատակը ջուր պղտորելն է, ռեւանշի համար հող նախապատրաստելը եւ ռեւանշի ընթացքում եւ դրանից հետո, եթե, իրենց կարծիքով, դա հաջողվի իրականացնել, Փաշինյանին տապալելուց հետո նախատեսվող ոճիրներն արդարացնելը: Նրանք չեն կարող ընդդիմադիր լինել եւ տեղ գրավել դաշտում»:
Մանրամասն՝ տեսանյութում
https://www.facebook.com/aravot.am/videos/2530764693859927/
Կարդացեք նաև
Լուիզա ՍՈՒՔԻԱՍՅԱՆ
