ՎիվաՍել-ՄՏՍ-ը գործարկել է օտար լեզուներ սովորելու ինտերակտիվ ու հարմարավետ գործիք՝ «E-Teacher» բջջային հավելվածը: «E-Teacher»-ը լեզուների ուսուցման հավելված է(դեռեւս միայն անգլերեն), որը հնարավորություն է ընձեռում հարստացնելու բառապաշարը՝ ներառյալ խաղի միջոցով, թարգմանելու բառեր ու բառակապակցություններ, ինչպես նաեւ ստուգելու յուրացված գիտելիքը՝ մրցելով հավելվածի այլ օգտագործողների հետ: Հավելվածի օգնությամբ ցանկացած հարմար պահի հնարավոր է թարգմանել բառեր եւ բառակապակցություններ՝հայերենից կամ ռուսերենից՝ անգլերեն եւ հակառակը: Նոր բառերը կավելացվեն ուսուցման անհատական պլանում:
Հավելվածից օգտվողը կարող է նաեւ որեւէ մեսինջերի միջոցով մրցման հրավեր ուղարկել սոցցանցի որեւիցե այլ օգտատիրոջ:
Բջջային հավելվածի առավելությունը թե՛ ուսուցում, եւ թե՛ ժամանց ապահովելու հնարավորություն է: «E-Teacher»-ի շնորհիվ օրվա ցանկացած ժամի ազատ ժամանակը դառնում է բովանդակալից ու արդյունավետ: Ուսուցումն ինքնին ժամանակատար չէ. բառապաշարը մեծացնելու համար խաղային առաջադրանքների կատարմանն օրական կարելի է տրամադրել ընդամենը 10-20 րոպե:
«E-Teacher» բջջային հավելվածով լեզվի ուսուցման հիմքում անհատական ուսումնական պլանն է: Հավելվածը շատ արդյունավետ է՝ հիմնական բառապաշար արագ ձեւավորելու տեսանկյունից: Համակարգը թույլ է տալիս պատկերացում կազմել, թե որ իրավիճակում է օգտագործվում կոնկրետ բառը, եւ ավելի արագ մտապահել այն: Հավելվածը նաեւ հնարավորություն է տալիս անմիջապես թարգմանելու սմարթֆոնի էկրանից որեւէ նյութ ընթերցելու ընթացքում հանդիպած անծանոթ բառը` այն մուտքագրելով կամ պատճենելով բրաուզերում:
Կարդացեք նաև
«E-Teacher»-ը հասանելի է Android-հավելվածի ու միաժամանակ՝ SMS-ծառայության միջոցով: SMS-ծառայությունը հնարավորություն է տալիս օգտվելու ավտոմատ թարգմանչից եւ բառերը սովորել առաջադրանքների միջոցով: Ծառայությանը բաժանորդագրվելու համար անհրաժեշտ է 45678 անվճար համարին ուղարկել «1» թիվը պարունակող SMS հաղորդագրություն: Պատասխան SMS-ով բաժանորդին կուղարկվի հավելվածի ներբեռնման համար հղում եւ ծառայության մասին տեղեկություն: Ծառայությանը բաժանորդագրվել կարելի է նաեւ անմիջապես հավելվածից. այն հասանելի է «Google Play»-ում:
Բաժանորդագրության գինն օրական ընդամենը 40 դրամ է (ներառյալ՝ ԱԱՀ): Ծառայությունն առաջին անգամ ակտիվացնելիս բաժանորդին տրվում է երկու օր՝ հավելվածը փորձարկելու եւ դրա հնարավորություններին ծանոթանալու համար: Այդ ընթացքում ծառայությունը հասանելի է առանց սահմանափակումների: Փորձնական շրջանի ավարտից հետո ավտոմատ ակտիվացվում է վճարովի տարբերակը:
«E-Teacher» հավելվածից օգտվելու պայմանների, ինչպես նաեւ դասընթացի մեթոդի վերաբերյալ տեղեկություններ ստանալու համար անհրաժեշտ է այցելել https://www.mts.am/individual-customers/entertainment-and-applications/mobile-applications/andriod/e-teacher:
«Առավոտ» օրաթերթ
19.11.2019
