«ԱԺ փոխնախագահ Վահե Էնֆիաջյանի ելույթը, այսօր Ռուսաստանի Դաշնության մայրաքաղաք Մոսկվայում կայացած` «Խորհրդարանական խմբակցությունների փոխգործակցության դերը քաղաքական կուսակցություններում և դաշինքներում` ԱՊՀ երկրների միջխորհրդարանական համագործակցության մեջ» միջազգային խորհրդաժողովում»
Տիկնայք և պարոնայք, «Խորհրդարանական խմբակցությունների փոխգործակցության դերը քաղաքական կուսակցություններում և դաշինքներում` ԱՊՀ երկրների միջխորհրդարանական համագործակցության մեջ» միջազգային խորհրդաժողովի հարգելի մասնակիցներ:
Հարգելի Սերգեյ Իվանովիչ, շնորհակալություն եմ հայտնում, միջազգային խորհրդաժողովին հրավիրելու համար: Ողջունում եմ Ռուսաստանի Դաշնության Պետդումայի բոլոր ներկաներին։
Հարգելի գործընկերներ, մեր միջև սերտ դաշնակցային, միջկուսակցական և միջխորհրդարանական հարաբերություններ են, որոնք բնութագրվում են փոխադարձ այցելությունների և հանդիպումների մեծ ինտենսիվությամբ ամենաբարձր մակարդակներում:
Կարդացեք նաև
Երկու բարեկամ երկրների միջև կնքվել են ավելի քան 250 միջպետական, միջկառավարական և միջգերատեսչական պայմանագրեր և համաձայնագրեր, ներառյալ Բարեկամության պայմանագիրը:
Սիրելի ընկերներ, այս տարի լրացավ 10 տարին `«Բարգավաճ Հայաստան» կուսակցության և «Միասնական Ռուսաստան» կուսակցության համագործակցության հուշագրի ստորագրումից հետո: Մեր կուսակցության նախագահ Գագիկ Նիկոլաևի Ծառուկյանը բազմիցս շեշտել է, որ ժամանակն է ամրապնդել մեր բարեկամական հարաբերությունները, և որ մենք պատրաստ ենք շարունակել մեր նախագծերը, ծրագրերը և աջակցությունը, քանի որ նման հարաբերությունները նպաստում են մեր երկրների բարգավաճմանը:
Մեր համագործակցությունն առաջնային է և ռազմավարական մոտեցում ունի: Ընթացիկ տարվա հոկտեմբերի 12-ին, պարոն Նևերովայի գլխավորությամբ պաշտոնական այցի ընթացքում, համաձայնություն է ձեռք բերվել ստեղծել աշխատանքային խումբ, որը կզբաղվի միջխմբակային և միջկուսակցական կապերի, երիտասարդական ծրագրերի, ինչպես նաև միջազգային վայրերում գործընկերության խնդիրների ամրապնդմամբ:
Աշխարհը զարգանում է, և այն խնդիրները, որոնց առջև մենք կանգնած ենք, նույնպես զարգանում են: Եվ ցանկացած դժվարություն կարելի է հաղթահարել միայն միասնական և գրագետ աշխատանքի արդյունքում: Աշխարհաքաղաքական զարգացումները մեզ ասում են, որ մենք միշտ պետք է պատրաստ լինենք ցանկացած տեսակի փոփոխության:
Վերոնշյալը նաև բարձրաձայնել եմ սեպտեմբերի 27-ից 28-ը Կալինինգրադում տեղի ունեցած՝ «Եվրոպայում անվտանգության և համագործակցության ամրապնդման հեռանկարները և հնարավորությունները» միջազգային գիտաժողովի իմ զեկույցում, հիշեցնեմ, որ գիտաժողովին մասնակցում էին անվտանգության փորձագետները, ինչպես Ռուսաստանի, այնպես էլ միջազգային անվտանգության համագործակցությունները, ավելի քան 30 եվրոպական պետություններ: Երկօրյա ակտիվ քննարկումներ տեղի ունեցան տարբեր երկրների քաղաքական կառույցների ներկայացուցիչների մասնակցությամբ:
Այնուհետև իմ և գործընկերներիս գաղափարները տեղ գտան՝ «21-րդ դարի Եվրոպայում անվտանգությունն ու համագործակցությունը» փաստաթղթերի հոդվածների ժողովածուի մեջ: Պարոն Կլիմովը կհաստատի, որ այսպիսի միջոցառումը թույլ է տալիս իրավիճակը դիտարկել այլ տեսանկյունից և գտնել նոր առաջարկներ և տեսլականներ:
Հարգելի գործընկերներ, մենք մշտապես կարևորում ենք մեր համագործակցությունը, որը զարգանում է ամենաբարձր մակարդակով մեր կուսակցության նախագահի՝ «Բարգավաճ Հայաստան» խմբակցության ղեկավար Գագիկ Նիկոլաևի Ծառուկյանի գլխավորությամբ, փոխնախագահների, երկու հանձնաժողովների նախագահների և երկու կողմերի կուսակցական կառույցների ղեկավարների մակարդակով:
Վստահ եմ, որ պետք է ամրապնդենք երկու երկրների ժողովուրդների միջև բարեկամությունը՝ դաշնակցային լայն փոխգործակցության, բոլոր ոլորտներում հարաբերությունների ինտենսիվ խորացման, կայուն խաղաղության, երաշխավորված անվտանգության ապահովման միջոցով, ինչպես Կովկասի տարածաշրջանում, այնպես էլ ամբողջ աշխարհում:
Հարգելի գործընկերներ, թույլ տվեք ևս մեկ անգամ շնորհակալություն հայտնել հրավերի և վստահության համար, այս խորհրդաժողովը լավագույն հարթակներից մեկն է միջխմբակցային և միջկուսակցական համագործակցությանն առնչվող հարցերի քննարկման համար:
Խորհրդաժողովի բոլոր մասնակիցներին մաղթում եմ արդյունավետ աշխատանքային քննարկումներ:
Շնորհակալություն ուշադրության համար:
