Ազգային ժողովն այսօր քննարկում է ՀՀ կառավարության եւ Դանիայի թագավորության կառավարության միջեւ վիզաների տրամադրումը դյուրացնելու համաձայնագիրը վավերացնելու մասին օրինագիծը: Համաձայնագիրը ստորագրվել է 2018թ.-ին:
Ինչպես հայտարարեց ՀՀ ԱԳ նախարարի տեղակալ Ավետ Ադոնցը, օրինագիծը վերաբերում է հետեւյալ կարգավորմանը. «Դանիայի քաղաքացիները դեպի ՀՀ մուտքի վիզայի կարիք չունեն, իսկ ՀՀ քաղաքացիների համար համաձայնագիրը նախատեսում է, որ Դանիայի տարածք եւ շենգենյան գոտու այլ տարածքներ հնարավոր է մուտք գործել 90-180 օր ժամկետով՝ ազգականների այցեր, ուսանողների փոխանակման ծրագրեր, գիտնականների այցեր եւ այլն, իսկ դիվանագիտական անձնագիր ունեցողները Դանիա մուտք կգործեն առանց վիզայի»:
Ավետ Ադոնցի փոխանցմամբ՝ շենգենյան գոտու այլ երկիր, օրինակ՝ Գերմանիա կամ Ֆրանսիա շենգեն-վիզայով մեկնելու, եւ հետո՝ Դանիա մուտք գործելու դեպքում Դանիայի մուտքի վիզա այլեւս չի պահանջվի. «Կարգավորումը վերաբերում է միայն շենգենյան գոտի չհանդիսացող երկրից Դանիա մուտք գործելուն»:
Փոխնախարարը հավելեց, որ Դանիայի հետ կապված հյուպատոսական ծառայությունները մատուցում է ՀՀ-ում Լիտվայի դեսպանատունը:
Կարդացեք նաև
Նշյալ օրինագիծը դեռ պետք է քվեարկվի ԱԺ լիագումար նիստում:
Լուիզա ՍՈՒՔԻԱՍՅԱՆ
