Երեկ վարչապետ Նիկոլ Փաշինյանի որոշումներով՝ աշխատանքից ազատվեցին գլխավոր ռազմական տեսուչ Մովսես Հակոբյանը, նրա առաջին տեղակալ Կամո Քոչունցը և տեղակալ Վաչագան Ներսիսյանը: Մովսես Հակոբյանը, անդրադառնալով իր ազատման պատճառներին, երեկ «Ժամանակ»-ի հետ զրույցում ասաց, որ «շատ լավ, շատ դրական է գնահատում» իր ազատման որոշումը։
Հակոբյանն ասաց, որ իր ազատման հրամանին որևէ լարվածություն, որևէ տարաձայնություն չի հաջորդել։ Հարցին՝ հնարավո՞ր է, որ առաջիկայում սպասվելիք կառուցվածքային փոփոխություններով է պայմանավորված ձեր ազատումը, որից հետո դուք վերանշանակվելու եք, Հակոբյանը դրական պատասխան տվեց .«Այո-այո»,- ասաց նա։
Մեր դիտարկմանը՝ Կամո Քոչունցին և Վաչագան Ներսիսյանին էլ է վերաբերում կառուցվածքային փոփոխություններից հետո վերանշանակվելը, Հակոբյանը պատասխանեց. «Այո»։
Ռազմական գլխավոր տեսչությունում կառուցվածքային փոփոխությունների մասին լուրը ավելի ուշ հաստատեց ՊՆ մամուլի խոսնակ Արծրուն Հովհաննիսյանը։ Նրա խոսքերով՝ ռազմական գլխավոր տեսչությունը կանվանափոխվի և կտեղափոխվի պաշտպանության նախարարության ենթակայության ներքո։ Այլ կերպ ասած՝ կառույցի գործառույթները մնալու են նույնը, սակայն անվանափոխվելու է և տեղափոխվելու է ՊՆ ենթակայության ներքո։
Կարդացեք նաև
ՊՆ խոսնակը, սակայն, չի հաստատում՝ Մովսես Հակոբյանը և մյուսները կվերանշանակվեն այդ պաշտոնում, թե ոչ։ Դա բացառապես վարչապետի որոշելիք հարցն է։
Հոդվածն ամբողջությամբ՝ «Ժամանակ» օրաթերթի այսօրվա համարում:
