ԵՊՀ դասախոսների հանդիպման ժամանակ տհաճ երկխոսություն ծավալվեց դասախոս Ռիտա Սաղաթելյանի եւ նախարար Արայիկ Հարությունյանի միջեւ:
Ռիտա Սաղաթելյանը նախարարին հիշեցրել էր, թե նրա խոսքով հայոց լեզուն ոչ պարտադիր դարձնելով դասախոսները կոռուպցիոն որոշ հնարավորություններից զրկվում են, իսկ վերջերս էլ հայտարարել է, թե նախորդ կառավարությունից բավականին քրեական գործեր ունի հավաքած: Դասախոսը Նոր Հայաստանում բարձրագույն կրթությունը ղեկավարող անձ Արայիկ Հարությունյանից ցանկացել էր իմանալ՝ կա՞ արդյոք, քրեական գործ հայոց լեզվի ամբիոնի որեւէ դասախոսի վերաբերյալ: «Եթե կա այդպիսի տեղեկություն, խնդրում եմ հիմա հրապարակեք այդ անձի անունը, իսկ եթե ոչ՝ կխնդրեի, ինչպես որ հրապարակավ հայոց լեզվի դասախոսներին մեղադրել եք կոռուպցիոն գործողությունների մեջ, հրապարակավ նաեւ հերքեիք այդ փաստը»,-առաջարկել էր Ռիտա Սաղաթելյանը: Արայիկ Հարությունյանը պատասխանեց.
-Հիմա գամ, ձեզ, ձեր քաղաքական թիմին: Կոռուպցիոն գործերի մասին: Կոռուպցիան բավականին բարդ գործընթաց է բացահայտելու առումով: Բայց ձեր եղբոր տղայի կուսակցությունը անպայման կստանա էդ արկղերով քրեական գործերը: Հիմա մենք հարցումը արել ենք եւ կստանանք նաեւ պատասխանները;
– Կներեք, իմ հարցը հայոց լեզվի դասախոսների մասին էր:
Կարդացեք նաև
-Հիմա եկել եք քաղաքական բանավեճի՞:
-Դուք եք քաղաքական բանավեճի վերածում: Ես հարցնում եմ՝ հայոց լեզվի ամբիոնի որեւէ դասախոս…, ունե՞ք որեւէ քրեական գործ, որ փող է վերցրել ու նշանակել է:
-Ես որեւէ ձեր գործընկերոջը ընդհատե՞լ եմ, թե՞ չէ: Բարի եղեք, լսեք մինչեւ վերջ, եթե նույնիսկ ձեզ դուր չի գալիս եւ ձեր քաղաքական թիմի ականջներին հաճո չէ:
Աշոտ ՀԱԿՈԲՅԱՆ
Աստված չանի Արաիկ Հարությունյանին ոստիկանապետ կամ ՔԿ-ի պետ նշանակեն…