ԱԺ այսօրվա նիստում քննարկվում է Կոռուպցիայի կանխարգելման հանձնաժողովի անդամի պաշտոնում «Իմ քայլը» խմբակցության կողմից առաջադրված Էդգար Շաթիրյանի թեկնածության հարցը:
Էդգար Շաթիրյանն իրավագետ է, նախագահի աշխատակազմի նախկին աշխատակից, Բարձրաստիճան պաշտոնատար անձանց էթիկայի հանձնաժողովի գործող անդամ:
«Իմ քայլի» պատգամավոր Ծովինար Վարդանյանը նրանից հետաքրքրվեց՝ ինչպե՞ս է պատկերացնում հանձնաժողովի անդամին կոռուպցիայից զերծ պահելու գործընթացը:
Էդգար Շաթիրյանը պատասխանեց, որ այդ մեխանիզմների հիմքում առաջնահերթ մարդկային եւ մասնագիտական գործոններն են. «Եթե մարդու մեջ չկա, այն խթան է հետագա գործունեության համար: Իսկ իրավական առումով հարցը տեղափոխվում է սոցիալական երաշխիքների հարթություն: Հանձնաժողովն ունենալու է ինքնավար մարմնի կարգավիճակ, սահմանված են աշխատավարձի բարձր գործակիցներ, ինչը կարող է կոռուպցիայից զերծ մնալու գործոն լինել»:
Կարդացեք նաև
Լուիզա ՍՈՒՔԻԱՍՅԱՆ
