Հեղափոխությունից ընդամենը մեկ տարի անց կառավարությունը ներկայացնում է բյուջե, որը նախահեղափոխական կառավարության բյուջեն գերազանցում է մոտ 800 միլիոն դոլարով, չունենալով բազմամիլիարդ ներդրումային ներուժով ակումբներ, միաժամանակ ունենալով լատենտ կամ բացահայտ սաբոտաժի հետ կապված կառավարման խնդիրներ, նաև, իհարկե, փորձ ձեռք բերելու օբյեկտիվ անհրաժեշտություններ: Երբ տարիներ առաջ ներիշխանական հարաբերությունների կոշտ պարզաբանումների փուլում Վերահսկիչ պալատի փաստացի ԲՀԿ-ական կամ «քոչարյանական» ղեկավար Իշխան Զաքարյանը հայտարարեց, որ Հայաստանի պետական բյուջեի մոտ 1/3-ը գողացվելու, յուրացվելու, մսխվելու, անարդյունավետ ծախսի ռիսկի տակ է՝ իսկ այդ ժամանակ խոսքը հենց մոտավորապես 800 միլիոնից 1 միլիարդ դոլարի մասին էր, Սերժ Սարգսյանը նրան գրեթե բառացի սպառնաց ՀՔԾ-ով:
2020 թվականի բյուջեի, այսպես ասած, առանցքային շարժիչը, անկասկած, դեռևս հոծ ներդրումները կամ երկնիշ աճերը չեն, այլ առավելապես չգողանալը, չմսխելը, չյուրացնելը: Էֆեկտ, որը տարիներ անց, իհարկե, հավաստում է, որ թե՛ Իշխան Զաքարյանն էր ճիշտ, թե՛ նրան ՀՔԾ-ով զգուշացնող Սերժ Սարգսյանը, որովհետև նա գործնականում բացահայտում էր իշխող համակարգի հիմքերից մեկի «գաղտնիքը», այսինքն` խաղում այդ հիմքերի հետ, ներիշխանական պայքարի շրջանակում, իհարկե: Եվ, իհարկե, բյուջե 2020-ը պարզորոշ վկայությունն է, իր, անշուշտ, առաջացող իր բոլոր հարցերով հանդերձ, որ Հայաստանում տեղի ունեցած թավշյա հեղափոխությունը ոչ միայն ճիշտ էր, այլ նաև կենսականորեն անհրաժեշտ, որովհետև կարելի է մեկ բյուջեի օրինակով պատկերացնել Հայաստանից կատարված գողության ու մսխումների ծավալները:
Արամ ԱՄԱՏՈՒՆԻ
Հոդվածն ամբողջությամբ՝ «Ժամանակ» թերթի այս համարում
Ակնհայտ մանիպուլյացիա։ 2018 ի բյուջեն կազմվելա 2016 ի 0.6տոկոս աճի վրա հիմնվելով, 2019 ի բյուջեն 2017 ի 7.5 աճի վրա։ Հիշացնեմ Նիկոլենք 2019 ի բյուջեյին ասում էին իներցիոն, թե բա նախորդներն են մշակել մենք կտրուկ բաներ չենք կարող փոխել։ Հիմա արդեն տեր են կանգնում էլի հույսը ամբոխի լարճ հիշողություննա։