«Այս փաստաթուղթը ոչ թե համակարգային բարեփոխումների մասին է, այլ ընթացիկ կառավարման: Այս բյուջեն նախկին՝ արատավոր համամասնությունների պահպանման մասին է, եւ դա այն դեպքում, երբ հանրությունը 2018թ.-ի թավշյա հեղափոխությամբ հաստատված նոր իշխանությանը քարտ-բլանշ է տվել՝ համակարգային բարեփոխումներ իրականացնելու համար»,-2020թ.-ի պետբյուջեի նախագծի քննարկման ժամանակ այսօր հայտարարեց պատգամավոր Արման Բաբաջանյանը։
Նա նշեց, որ բյուջեին ոչ հոռետեսական, ոչ էլ լավատեսական գնահատական կտա. «Առավել ևս, այն հեղափոխական չէ, ինչպես ներկայացնում են իշխանության շատ անդամներ: Այս նախագծում չկան հավակնոտ ծրագրեր, համակարգային բարեփոխումներ, չկա նորարարություն եւ ստեղծարարություն»:
Լուիզա ՍՈՒՔԻԱՍՅԱՆ
