«Գիտության խնդիրը ֆինանսավորումն է: 50 000 դրամով այսօր ո՞վ կուզենա գիտությամբ զբաղվել, որ մենք էլ նրանից գիտական արդյունք պահանջենք»,-2020թ.-ի պետբյուջեի նախագծի քննարկման ժամանակ այսօր ԱԺ նիստում հայտարարեց ԱԺ գիտության, կրթության, սփյուռքի, երիտասարդության եւ սպորտի հարցերի հանձնաժողովի փոխնախագահ, «Իմ քայլի» պատգամավոր Հովհաննես Հովհաննիսյանը: Նա հարցադրում արեց. «Հնարավո՞ր է 50 000 դրամի պայմաններում գիտական արդյունք պահանջել: Պարզ է, չէ՞, որ այդ մասնագետին ուրիշ տեղ կտանեն… կամ, ասենք, պատմագիտությունից ի՞նչ արդյունք եք ուզում տնտեսության մեջ: Ասենք, պատմագիտության արդյունքն այն կլինի, որ մարդը կրթվի, կարդա եւ Պապ թագավորին «գեյ» չանվանի օրինակ… դա է արդյունքը պատմագիտության»:
Հիշեցնենք, որ երեկ Պապ թագավորի մասին ուշագրավ հայտարարություն էր արել ԲՀԿ պատգամավոր Վարդան Ղուկասյանը:
Լուիզա ՍՈՒՔԻԱՍՅԱՆ
Կարդացեք նաև
