«Արսեն Բաբայանին մեղադրում են, թե միջոցներ ես ձեռնարկել, որ ամսի 5-ին հայտնված փաստաթուղթը ձևակերպվի ամսի 2-ով: Բայց տարբերություն չկա՝ դա իրականում այդպես եղած կլիներ, թե ամսի 2-ին: Փաստաթղթի հեղինակը հաստատում է, որ ամսի 2-ին այն գոյություն ունեցել է և առձեռն առաքվել ԱԺ: Փաստաթուղթ ստացողը փաստել է, որ մարտի 2-ին ֆիզիկապես փաստաթուղթը եղել է ԱԺ-ում և եղել սեղանին, ինչի հիման վրա հայտարարություն է արել»,- լրագրողների հետ հանդիպմանը հայտարարեց ԱԺ աշխատակազմի ղեկավարի նախկին տեղակալ Արսեն Բաբայանի ներկայացուցիչ Երվանդ Վարոսյանը (լուսանկարում՝ ձախից առաջինը):
Նշենք, որ ՀՀ դատախազությունը փոխել է ԱԺ աշխատակազմի ղեկավարի նախկին տեղակալ Արսեն Բաբայանի խափանման միջոցը եւ նա ազատ է արձակվել:
Փաստաբանը վստահեցրեց՝ Արսեն Բաբայանի դեմ ցուցմունք գոյություն չունի կամ ապացույց, որը կվկայի այն մասին, որ ինքն առնչություն ունի կամ կատարել է որևէ հանցավոր արարք:
Երվանդ Վարոսյանը մտահոգություն հայտնեց, թե այս տիպի իրավիճակ դեռ չի եղել ու եզրափակեց. «Շատ ենք տեսել քաղաքական հետապնդումներ, բայց այս տիպի իրավիճակ, որ փորձ չի արվում անգամ իրականությունը մի փոքր շեղելով կամ օրենքի մեկնաբանությամբ մի փոքր սխալ կատարելով՝ անձին մեղադրել, այլ իրականության հետ առնչություն չունեցող մի տեքստ հրամցնել որպես մեղադրանք և ՍԴ լիազորություններին տիրանալ, նման բան երբևէ չի եղել: Իրավաբանությունն էս մակարդակի չի իջել երբեք»:
Կարդացեք նաև
Տաթև ՀԱՐՈՒԹՅՈՒՆՅԱՆ
