«Մի խումբ գործարարներ փորձում են միջամտել ՀՀ բանկային համակարգի կայունությանը»,-2020թ.-ի պետբյուջեի նախագծի քննարկման ժամանակ այսօր ԱԺ հերթական նիստում, արձագանքելով պատգամավորներից մեկի՝ խոշոր գործարարի եւ բանկերից մեկի միջեւ դատական գործընթացի մասին հարցին, ասաց ՀՀ կենտրոնական բանկի նախագահ Արթուր Ջավադյանը:
Նա նշեց. «Իհարկե, ունենք անկախ դատական համակարգ, չեմ էլ փորձի միջամտություն անել կամ դրա մասին եզրահանգում անել, բայց որոշ դեպքերում որոշ ատյանների որոշումներ կան չբավարարված: Կոնկրետ մի ընկերություն ունի խնդիր յոթ բանկի հետ: 17-ից 7 բանկի, եւ հարյուրավոր միլիոն դոլարների մասին է խոսքը: Այն ոչ թե մտածում է իր ստանձնած պարտավորությունները կատարելու մասին, այլ մտածում է, թե ոնց խուսափի, ոնց ավելի մեծ բեռ դնի բանկային համակարգի վրա, ինչը լուրջ վտանգներ է ստեղծում: Իհարկե, ուումնասիրում ենք, աշխատում իրավապահների եւ բանկերի հետ, բայց այդ խնդիրը կա: Այն առնչվելու է մեր ֆինանսական կայունությանը, որովհետեւ մեծ գումարների մասին է խոսքը»:
Լուիզա ՍՈՒՔԻԱՍՅԱՆ
Կարդացեք նաև
