Այսօր դիմել եմ ՀՀ վարչապետ Նիկոլ Փաշինյանին՝ «Նևրոզների կլինիկա» ՓԲ ընկերությանը 2020թ․ պետական հասույթից զրկելու հետևանքով ծագող խնդիրների կապակցությամբ։
Այսօր ԱԺ-ում տիկին Մանե Թանդիլյանի կողմից ամենայն մանրամասնությամբ հիմնավորվել է կլինիկայի անհրաժեշտությունը Հանրապետությունում. այս կենտրոնի կողմից տարիների ընթացքում կուտակված փորձը և տրված արդյունքները չեն կարող ուղղակի ի չիք դարձվել, ինչպես որ հոգեբուժական հիվանդանոցները չեն կարող փոխարինել նևրոզների բուժման կլինիկային։
Բացարձակապես անհիմն է նևրոզը հավասարեցնել հոգեկան հիվանդություններին և ըստ այդմ համարել, որ Սևանի կամ այլ հոգեբուժարանը կարող է փոխարինել նևրոզի դեմ պայքարի մասնագիտացված կենտրոնին. վերջապես, այս կլինիկայում բուժում ստանալն օգնում է անձին հետագայում չհայտնվել հոգեբուժական հիվանդանոցնում։
Հուսով ենք, որ վարչապետն ականջալուր կլինի մեր առաջարկությանը և կվերանայի «Նևրոզների կլինիկա» ընկերությանը պետպատվերից զրկելու և մասնավորեցման ցուցակում ընդգրկելու մասին որոշումները, ավելին՝ կմեծացնի այս կենտրոնին հատկացվող պետական օժանդակությունը։
Կարդացեք նաև
Էդմոն ՄԱՐՈՒՔՅԱՆ
Ազգային ժողովի պատգամավոր
