«Հետաքրքրական է, որ դեղին մամուլի հրապարակումները քննարկում են ԱԺ-ում, բայց կարեւոր է նաեւ արձագանքել»,-ԱԺ-կառավարություն հարցուպատասխանի ժամանակ այսօր անդրադառնալով մամուլում տարածված տեղեկություններին, թե ԵՏՄ-ից որպես նվիրատվություն ստացված չորս թանկարժեք մեքենաները վարչապետ Տիգրան Ավինյանն իր հովանավորյալի հետ «մեջ-մեջ» է արել, ասաց Տիգրան Ավինյանը: Նա պարզաբանեց. «Կառավարության որոշմամբ՝ չորս մեքենայից երկուսը պետգույքի հաշվեկշռում են եւ չեն շահագործվում: Մեկն իրապես տրամադրվել է ՏՄՊՊՀ-ին՝ մեքենաների պարկը թարմացնելու նպատակով: Երկուսը, եթե չեմ սխալվում, մնացել են Սննդի անվտանգության տեսչական մարմնում(կառավարությանն առընթեր):
Չէի ասի շքեղ, բայց թանկ մեքենաներ են, եւ տեսչական մարմնում չորս նման մեքենա պահելու նպատակահարմարություն չկար: Առհասարակ, ավտոպարկն այս կառավարության օրոք կրճատվել է մոտ 150 մեքենայով, եւ մոտ 20 միլիարդ դրամի տնտեսում ունենք»: Ինչ վերաբերում է տեղեկությանը, թե այդ թանկարժեք մեքենաներից մեկը սպասարկում է իրեն, Ավինյանը նշեց, որ դա բացարձակ սուտ է. «Ուստի թույլ տվեք պնդել, որ դա դեղին մամուլ է, տարածող լրատվականները՝ եւս»:
Լուիզա ՍՈՒՔԻԱՍՅԱՆ
