Փաշինյանը նաեւ հավելեց, որ 2020թ. ինքը պաշտոնական այցով կլինի ՌԴ-ում, իսկ նույն թվականին կամ հաջորդի սկզբին ՌԴ նախագահը կժամանի ՀՀ
«Հայ-ռուսական հարաբերություններում թավշյա հեղափոխությունից հետո շատ հարցեր են ծագել, այդ թվում՝ ռուսական կողմում: Դրանք ծագել են բոլոր որոլտներում, որովհետեւ ՀՀ-ում նման քաղաքական փոփոխություններ չէին կանխատեսվել»,-ԱԺ-կառավարություն հարցուպատասխանի ժամանակ այսօր, անդրադառնալով պատգամավորներից մեկի հարցադրմանը, թե որքանով են փարատված հայ-ռուսական հարաբերությունների շուրջ քաղաքական որոշ շրջանակների մտահոգությունները, ասաց ՀՀ վարչապետ Նիկոլ Փաշինյանը:
Նրա խոսքով. «Խիստ բնական է, որ հարցեր էին ծագել: Դրանք աննախադեպ թվաքանակի են, ինչը նշյալից է բխում: Հարցերը ժամանակի ընթացքում ստանում են պատասխաններ: Երկուստեք դրանց անկեղծությունը հասկանալու խնդիր կա: Հարցերի պատասխանները նաեւ ժամանակով են քննվում: Հայ-ռուսական հարաբերություններում նոր որակ պետք է արձանագրվի: Հիմա կարող եմ ասել, որ դա տեղի է ունենում եւ ավելի վստահ կարող եմ ասել: Մի ժամանակ շատերը կասկածում էին, բայց հիմա հրապարակային հայտարարությունները լրացնում են այդ բացը»:
Փաշինյանը նաեւ հավելեց, որ 2020թ. ինքը պաշտոնական այցով կլինի ՌԴ-ում, իսկ նույն թվականին կամ հաջորդի սկզբին ՌԴ նախագահը կժամանի ՀՀ:
Կարդացեք նաև
Լուիզա ՍՈՒՔԻԱՍՅԱՆ
