ԱՄՆ նախագահ Դոնալդ Թրամփն առաջարկել է Թուրքիայի իր գործընկեր Ռեջեբ Թայիփ Էրդողանին միջոցառումների փաթեթ՝ երկու երկրների միջև հարաբերությունները բարելավելու համար: Այս մասին գրում է ամերիկյան The Washington Post թերթը՝ վկայակոչելով սեփական աղբյուրները:
Խոսքը 100 միլիարդ դոլարի առևտրային համաձայնագիր կնքելու և ռուսական C-400 հրթիռներ գնելուց հետո սահմանված ամերիկյան պատժամիջոցները շրջանցելու մասին է: Թերթը գրում է, որ գործարքի պայմանների վերաբերյալ անցյալ շաբաթ նամակ է ուղարկվել Թուրքիայի նախագահին: Նշվում է, որ այդ փաթեթը նման է դեռ հոկտեմբերին առաջարկված փաթեթին, երբ դեռ ԱՄՆ-ը փորձում էր կանխել Անկարայի և Սիրիայի միջև ռազմական գործողությունները:
«Առաջարկն ամենայն հավանականությամբ կզայրացնի Կոնգրեսի որոշ ներկայացուցիչների, որոնք անցյալ ամիս կողմ էին քվեարկել Թուրքիայի դեմ պատժամիջոցներ սահմանելուն՝ կապված Սիրիայի վրա հարձակման հետ»,- գրում է թերթը:
Թուրքիայի նախագահը Դոնալդ Թրամփի հետ կհանդիպի նոյեմբերի 13-ին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
