«Աբովյան» քրեակատարողական հիմնարկում ապրում են ազատությունից զրկված կանայք: Նրանցից շատերն ազատազրկվելուց հետո տարիներով չեն տեսել իրենց երեխաներին, նրանք ինքնակամ հրաժարվել են տեսակցություններից, չեն ցանկանում երեխաներն ականատես լինեն մոր բանտային կյանքին:
«Այստեղ մարդիկ ընտանիքներ են կորցնում»,-ասում է ազատությունից զրկված Աղունիկը:
«Բա իմացա՞ք, Անոյին դատարանը մերժեց պայմանականը»,-մեր այցելության առաջին օրը, առաջին զրույցների ժամանակ կարի արտադրամասում հայտարարեց դատապարտված կանանցից մեկը: Բոլորը կարեկցանքով լցվեցին: Հաջորդը մյուս կինն է, տեսնես դատարանն ի՞նչ կորոշի:
Հաշվելով տարիները փշալարերով պատված տարածքում, կանայք դատարանի «բարեհաճությանը» մեկ անգամ էլ են սպասում՝ բալերն ու նկարագիրն ինչպե՞ս կգնահատվեն: Կալանավայրի անձնակազմից ու ղեկավարից է կախված ազատությունից զրկված կնոջ, իրենց բառամթերքով ասած՝ «կալենդար չնստելն» ու դրական բալեր ստանալը: Բայց իրենք էլ պետք է կարգ ու կանոնին համապատասխան վարք դրսեւորեն:
Կարդացեք նաև
Կանայք ասում են, որ արդարադատությունն իրենց նկատմամբ խիստ է. «Չեն հիշում, որ մայր ենք, կին ենք…»:
Կանանց պատմություններին ծանոթացեք մուլտիմեդիա նախագծով:
Նելլի ԲԱԲԱՅԱՆ
Լուսանկարը՝ Նազիկ Արմենակյանի
https://readymag.com/1613482
