«Ախր այստեղ խնդիրն այլ բանում է՝ բոլոլա սարքելու, օրակարգի մեջ թեմա գցելու…»,-ԱԺ հերթական նիստում այսօր հայտարարեց ԱԺ փոխնախագահ Ալեն Սիմոնյանը՝ անդրադառնալով ԲՀԿ պատգամավոր Գեւորգ Պետրոսյանի՝ միասեռականներին եւ սեռափոխված անձանց վերաբերող օրինագծերի մերժմանը եւ դրա շուրջ քննարկումներին:
Սիմոնյանը նշեց. «Հեղափոխություններից հետո ընդունված է, որ ազգայնական սուր թեմաների շուրջ ալիք է բարձրանում: Նպատակը մեկն է: Հայության հետ կապ չունեցող եւ միաժամանակ՝ թուրքական եւ վատ մշակույթն ունենալով ներսում՝ շատերը փորձում են «Իմ քայլի» այն մարդկանց, որոնք դրսում են սովորել եւ վերադարձել ՀՀ-ն հզորացնելու, սարքել սատանայապաշտ, այլասերված»:
Հիշեցնենք, որ հատկապես ԿԳՄՍ նախարար Արայիկ Հարությունյանի անձի շուրջ են նման քննարկումներ ընթանում: Նրա հրաժարականը պահանջող ուսանողները պնդում են, որ նրա քաղաքականությունը միտված է ազգայինը ոչնչացնելուն եւ միասեռականությունը պաշտպանելուն:
Ալեն Սիմոնյանի խոսքով. «Նպատակը քաղաքական է: Թող բոլորը հիշեն՝ ՀՀ իշխանությունը եւ «Իմ քայլը» խմբակցությունն ամենահայկական, ամենաավանդապաշտ եւ միաժամանակ՝ ամենաաշխարհիկ, ամենա-ամենա իշխանությունն է: Հռոմի պապից կաթոլիկ լինել մի փորձեք, այլապես պատմությունը հետ կթերթենք եւ ցույց կտանք, թե ով որտեղ ինչպես է քվեարկել եւ ինչ է արել: ՀՀ քաղաքացին արդեն գիտի դա»:
Կարդացեք նաև
Լուիզա ՍՈՒՔԻԱՍՅԱՆ
