Ինչպես տեղեկացրել ենք, ԱԺ միջանցքում «Իմ քայլը» խմբակցության պատգամավորներ Հակոբ Սիմիդյանն ու Վարդան Աթաբեկյանը վիճել էին: Սիմիդյանը պարզաբանել էր, որ աշխատանքային հարցի շուրջ է եղել վեճի թեման, սակայն քիչ առաջ Վարդան Աթաբեկյանը այլ պարզաբանում տվեց:
Հարցին՝ ի՞նչ վիճաբանություն էր, գուցե պարզաբանեք, որ երեւակայության գիրկը չընկնենք՝ Աթաբեկյանը պատասխանեց. «Անձնական»: Զարմանքին, որ ո՞նց, ԱԺ-ում անձնական հաշիվնե՞ր եք մաքրում, ԱԺ-ն անձնական հաշիվների տեղ չի՝ պատգամավորը պատասխանեց. «Հա՞, որտե՞ղ է էդ գրած»:
Նրա խոսքով՝ իրենց վեճը ԱԺ-ում քննարկվող հարցի հետ կապ չուներ: Մենք ճշտեցինք՝ նույնասեռականների հետ բացարձակ կապ չունե՞ր ձեր վիճաբանությունը՝ Աթաբեկյանը պատասխանեց. «Չէ, չուներ»:
Իսկ թե ինչո՞ւ եւ ինչի՞ց այդպես բռնկվեցին ու նիստերի դահլիճից դուրս եկան՝ նա չպարզաբանեց, ասաց՝ «հետո» ու մտավ դահլիճ:
Կարդացեք նաև
Հռիփսիմե ՋԵԲԵՋՅԱՆ
