Շարունակվում է ՀՅԴ Հայաստանի Երիտասարդական միության անդամների նստացույցը եւ բողոքի ցույցը ԿԳՄՍ նախարար Արայիկ Հարությունյանի հեռացման պահանջով: Նրանք վանկարկում են՝ «Արայիկ հեռացիր» եւ այդ պահանջի մասին պաստառներ են կրում:
Երիտասարդների հետ հանդիպեց նաեւ ՀՀ վարչապետ Նիկոլ Փաշինյանը: Երիտասարդները Փաշինյանի միջոցով մետրոյի ժետոն փոխանցեցին ԿԳՄՍ նախարարին: Վարչապետն ասաց, որ նախարարն ինքը կգնի ժետոն, այն ընդամենը 100 դրամ է:
«Ոչինչ, իրեն տվեք, ժողովրդի ժետոնն է»,-ասաց նախաձեռնության անդամներից մի աղջիկ:
Կարդացեք նաև
«Ժողովրդի ժետոնը ես ինձ հիշատակ կպահեմ»,-ասաց վարչապետը:
Երիտասարդները Փաշինյանին փոխանցեցին իրենց պահանջները, որոնց նա խոստացավ ծանոթանալ:
Գոհար ՀԱԿՈԲՅԱՆ
