Վերջին շրջանում քննարկվում է Հանրային խորհրդի՝ անհրաժեշտ լինել-չլինելու հարցը, հարձակումներ են հանրային խորհրդի եւ նրա նախագահի դեմ: Այս մասին այսօր ՀՀ Հանրային խորհրդի նիստում հայտարարեց ՀԽ նախագահ Վազգեն Մանուկյանը: Որպես պատճառ նա մատնանշեց, որ վերջին շրջանում ինքը հանդես է եկել ՀՀ նոր իշխանության եւ երկրում տիրող իրավիճակի հասցեին քննադատություններով:
Վազգեն Մանուկյանը նշեց. «Կարծում եմ՝ ՀՀ-ն այսօր շատ ավելի մոտիկ է 37 թվին, քան ազատության հռչակմանը, եւ այս վտանգը բոլորի շեմին է: Հանրությունը պետք է դիմադրի եւ իշխանությանը բացատրի այդ քայլերի վտանգավորությունը ՀՀ-ի համար: Մենք թուլանում ենք, հետ ենք գնում: Շատ անգամ ասում են՝ ժողովուրդը մեր հետ է, բայց կներեք, դա ինձ համար փաստարկ չէ»:
Վազգեն Մանուկյանը նաեւ նշեց, որ առաջիկայում իր ապագայի վերաբերյալ որոշում կընդունի, իսկ այժմ պետք է քննարկել, թե ինչում է կայանում ՀԽ գործունեության անհրաժեշտությունը, քանի որ այդ հարցը վերջերս եւս քննարկվում է տարբեր շրջանակներում:
https://www.facebook.com/aravot.am/videos/2723534127873698/
Կարդացեք նաև
ՀԽ անդամ, իրավապաշտպան Լարիսա Ալավերդյանը հայտարարեց. «Արդյունավետ կարող է լինել առնվազն այն մարմինը, որը կառավարության պատշաճ վերաբերմունքի է արժանանում, օրինակ՝ շենքային պայմաններ: Այդ հարցը դեռ լուծված չէ, բայց ՀԽ-ն աշխատում է: Հենց ՀԽ-ն պետք է դառնա այն ամբիոնը, որտեղ քաղաքակիրթ ձեւով, այլ ոչ թե հայհոյանքով, հարցեր են բարձրաձայնվում: Փողոց փակելը, հայհոյելն ու ճչալն են այսօր արմատավորվում: Որեւէ պաշտոնյա, լինելով անտեղյակ, չի կարող դատապարտել Հանրային խորհրդին, որի արդյունավետությունը պետք է բարձրանա»:
Լուիզա ՍՈՒՔԻԱՍՅԱՆ
Ժողովուրդի կամքն ու կարծիքը՝ այդ նույնն է թե՝ընտրությունը, Վ. Մանուկյանի համար փաստարկ չե,կամ էլ ,ուրիշ կերպ ասած՝ թքած ժողովրդի վրա…հետաքրքիր է Վ.Մ-ն ալդ մտքի ,,գոհրները,, ,շաղ տալով,գոնե հաջորդ օրը կարդում է ,թե ինչ է ասել,կամ ինչեր է….վայ՞ մեղա տ.աստված…էս մարդը լրիվ շողուլից ընկել է,մի 25 տարի առաջ նա լսվում էր:Ահա թե ինչեր է անում՝ երկար տարիների թմբիրը: