«Վազգեն Մանուկյանը երբեք ինքը հենց այնպես հրաժարական չի տա, եթե Նիկոլը չասի հրաժարական տուր»,-լրագրողների հետ հանդիպմանը հայտարարեց ՀՀ Հանրային խորհրդի անդամ, Ազգային ժողովրդավարների դաշինք կուսակցության նախագահ Արշակ Սադոյանը:
Նա կարծիք հայտնեց, եթե ՀՀ կառավարությունը չի ուզում աշխատել Հանրային խորհրդի հետ, իմաստ չունի այդ կառույցի աշխատանքը: Արշակ Սադոյանն ասաց, որ դեռ հույս ունի՝ թեկուզ լրագրողների օգնությամբ այսօրվա ջահելների ուղեղներում կկաթեցնեն, թե ինչքան կարևոր է այդ համագործակցությունը:
Արշակ Սադոյանն ասաց, որ որոշ հարցերում Վազգեն Մանուկյանի որոշակի հայացքներ ինքը չի կիսում. դա իր գործն է, բայց մյուս կողմից նշեց. «Ես երբեք թույլ չեմ տա, որ որևէ մեկը և՛ Վազգեն Մանուկյանի հակառակորդները, և՛ նա փորձեն իրենց կամքն ինձ թելադրել»:
Անդրադառնալով այն խոսակցություններին, որոնց հիման վրա Վազգեն Մանուկյանի անունը կապվում է հոկտեմբերի 27-ի հետ՝ Արշակ Սադոյանն ասաց. «Խորը համոզված եմ, որ այդ հանցագործությունը պատվիրված էր շատ հզոր ուժերի կողմից՝ միաժամանակ օգտագործելով Հայաստանում այն մարդկանց անձնական շահերը, որոնք դրանցից օգտվում էի: Սակայն ես փաստեր չունեմ, որ պնդեմ: Անհիմն է ամերիկյան գործոնը շահարկելը: Ռուսական գործոն, Ռոբերտ Քոչարյանի գործոն ռեալ հնարավոր է»:
Կարդացեք նաև
Տաթև ՀԱՐՈՒԹՅՈՒՆՅԱՆ
