«Ես լսել եմ, որ Նիկոլ Փաշինյանն Արցախում ասել է՝ «Արցախը Հայաստան է»: Իսկ Ադրբեջանի նախագահն իմ ներկայությամբ վերջերս ասաց, որ «Ղարաբաղն Ադրբեջան է»…Այնպես որ, իրականությունն ամեն մեկը տարբեր է ընդունում»,-լրագրողների հետ զրույցում այսօր ՀԱՊԿ խորհրդարանական վեհաժողովի 12-րդ լիագումար նիստի ժամանակ ասաց ՌԴ պետդումայի պատգամավոր Կոնստանտին Զատուլինը:
Անդրադառնալով անվտանգային մարտահրավերներին՝ նա նշեց, որ Ռուսաստանը ՀՀ-ին դիտարկում է որպես գործընկեր, եւ ՀՀ-ի վրա հարձակման դեպքում գործի կդրվի ՀԱՊԿ համաձայնագիրը. «Հիշեցնեմ, որ ՀՀ-ի տարածքում մեր ռազմակայանն է գործում: Նա իզուր չէ ՀՀ-ում, նրա ներկայությունը ոչ միայն «սիրունության» համար է»:
Լուիզա ՍՈՒՔԻԱՍՅԱՆ
