ԱԻՆ չորս հրշեջ-փրկարարներ կանչով մեկնել են Կոտայքի մարզ, երբ դիմացից ընթացող մեքենային տեսնելով՝ ազդանշան են տվել, որպեսզի վերջինս ճանապարհ տա, սակայն չի տվել: Այս մասին այսօր լրագրողների հետ զրույցում ասաց ՀՀ Արտակարգ իրավիճակների նախարար Ֆելիքս Ցոլակյանը՝ անդրադառնալով հոկտեմբերին դատավոր Արթուր Ավագյանի մասնակցությամբ մամուլի ուշադրության կենտրոնում հայտնված միջադեպին: «Ճանապարհ չի տվել, ճանապարհը փակել է, վերջում էլ զենք է պահել: Այսպես պատմել են փրկարարները»,-նշեց Ֆելիքս Ցոլակյանը: Նրա փոխանցմամբ՝ միջադեպն այժմ ոստիկանության տիրույթում է. «Զբաղվում են»:
Ըստ նախարարի՝ ԱԻՆ-ում չեն էլ իմացել, որ այդ անձը դատավոր է:
Լուիզա ՍՈՒՔԻԱՍՅԱՆ
