ՀՀ տարածքում գործող ռուսական ռազմակայանն արդիականացվում է եւ սպառազինության տեսանկյունից, եւ նյութատեխնիկական ապահովման՝ զինծառայողների կենցաղային պայմանների բարելավման առումով: Այս մասին այսօր լրագրողների հետ զրույցում ասաց ՀՀ պաշտպանության նախարար Դավիթ Տոնոյանը:
Նրա խոսքով՝ ռուսական ռազմակայանի զինծառայողների թվաքանակի ավելացում չի լինելու. «Ավելի շուտ, տարբերակումներ են լինում: Ինչ-որ տարածք, եթե, օրինակ, էլ չի օգտագործվում, անցնում է ՊՆ-ին: Բայց այդ բոլոր տարածքները մնում են որպես ՀՀ տարածք, պարզապես դրանք տրվում են օգտագործման համար»:
https://www.facebook.com/aravot.am/videos/507944709812519/
Ինչ վերաբերում է ռուսական «Օրսիս» ընկերության կողմից ՀՀ պաշտպանության նախարարությանը մատակարարած զինատեսակների կասեցման գործընթացին, Դավիթ Տոնոյանը նշեց. «Եղել է հանցավոր արարք: Իսկ թե ում կողմից եւ ինչ ծավալի, ինչպես, կպարզի նախաքննությունը»:
Կարդացեք նաև
Լուիզա ՍՈՒՔԻԱՍՅԱՆ
