ԿԳՄՍ նախարար Արայիկ Հարությունյանը պատասխանելով ԳԱԱ-ն փակելու վերաբերյալ աղմկոտ քննարկումների վերաբերյալ լրագրողի հարցին, ասաց. «Աղմուկն իզուր է, որովհետեւ այն աշխատանքային նախագիծը, որ մենք տվել ենք կարծիքներ հավաքելու, ներկայումս փոփոխություններ են տեղի ունենում աշխատանքային նախագծում,հետագայում այն կդնենք մեծ քննարկման , կքննենք «կողմ»-երն ու «դեմ»-երը եւ առաջ կգնանք»:
Նա հավելեց. «Ես շատ ցավում եմ, որ ինֆորմացիոն այս բաց դաշտի պարագայում կիսատ լսած մի նախադասություն կամ սիրողական կարծիք, կամ թեկուզ լուրջ մասնագետի կարծիք` նախնական տարբերակի վերաբերյալ, վերցնում ենք, երկրորդ կողմի, այս դեպքում նախարարության կարծիքը չենք հարցնում, հարձակվում ենք եւ հողմաղացների դեռ կռիվ ենք տալիս` չեղած թեմաների վերաբերյալ:
Տարբեր մոդելներ են քննարկվում, եւ մեր առաջնահերթություններից է որպեսզի գիտությունը վերադառնա համալսարան: Ըստ էության հետազոտական հատվածները թույլ են համալսարաններում, որոշ համալսարանների դեպքում դրանք չկան:
Նոր օրենքը միտված է նրան, որ հետազոտական ինստիտուտների եւ բարձրագույն ուսումնական հաստատությունների միջեւ կապը սերտացվի, ուսանողն ընդգրկված լինի հետազոտական գործունեության մեջ: Մենք այնպիսի պայմաններ ենք ստեղծում, որ օրինակ ասպիրանտուրայի ծրագիրն իրականացնելիս ինստիտուտները որոշակի համագործակցություն ունենան բուհերի հետ, թե ինչ մակարդակի կլինի այդ համագործակցությունը, կարող ենք քննարկել»:
Կարդացեք նաև
Գոհար ՀԱԿՈԲՅԱՆ
