«Հիմա եղած մոտեցումը, որ կա, չափից դուրս խիստ է, մենք պետք է ստեղծենք հնարավորություն, որպեսզի սփյուռքի մեր հայրենակիցները կարողանան ավելի պարզեցված ընթացակարգով դառնան պետական ծառայողներ»,-այսօր այս մասին ասաց «Ազգային օրակարգ» կուսակցության համահիմնադիր Ավետիք Չալաբյանն, ի պատասխան հիմնադիր համագումարում հնչած հարցին՝ գործադիրում սփյուռքի մասնակցության մասին:
Ինչ վերաբերում է քաղաքական պաշտոններին, Չալաբյանն ասաց՝ օրինակ՝ Սփյուռքից պատգամավոր կամ նախարար ընտրվելու հարցի մասին դեռ պետք է մտածել. «Որովհետեւ, մեր այն հայրենակիցները, որոնք ապրում են երկրից դուրս՝ գտնվում են օտար ազդեցության տակ: Խնդիրը պետք է ավելի համակարգված լուծել: Բայց ես կարծում եմ՝ այն մեխանիզմը, որը կա այսօր, պետք է ազատականացվի»:
Այսօր կուսակցության հիմնադիր համագումարում անդամները կողմ քվեարկեցին կուսակցության ստեղծմանը: Չալաբյանի՝ կուսակցության ծրագրի ներկայացումից հետո, կրկին դրան կողմ քվեարկեցին:
Կարդացեք նաև
Նելլի ԲԱԲԱՅԱՆ
