ԱԺ ԲՀԿ խմբակցության պատգամավոր Գագիկ Ծառուկյանն իրենով է արել 111 HH 11 պետհամարանիշը, որն, ըստ ընդունված կարգի, պետք է պատկաներ նույն խմբակցության պատգամավոր Ջանիբեկ Հայրապետյանին:
ԱԺ ԲՀԿ խմբակցության պատգամավոր Գագիկ Ծառուկյանն, ըստ իրեն տրամադրված մանդատի, ունի 089 հերթական համարը: Այսինքն՝ նրա ստացած պետհամարանիշի համարը պետք է լիներ 089 HH 11: Սակայն վերջերս «Ազատություն» ռադիոկայանի հրապարակած տեսանյութում երեւում էր, որ Ծառուկյանի մեքենայի վրա 111 HH 11 պետհամարանիշն է:
Տարբեր գերատեսչություններ ուղարկված հարցումներից հետո երեկ ի վերջո պարզեցինք, որ 089 համարանիշը ԱԺ աշխատակազմի դիմումով փոխարինվել է 111-ով եւ այժմ փաստաթղթերով 111 HH 11 համարանիշը պատկանում է Գագիկ Ծառուկյանին:
«111 HH 11 պետհամարանիշը պատկանում է Գագիկ Ծառուկյանին: Ոստիկանությունում դիմում կա Ազգային ժողովից, որով ասել են, որ էսինչ համարը փոխանակեք այս համարով»,- ՀԺ-ի հետ զրույցում ասաց Ճանապարհային ոստիկանության պետի տեղակալ Արթուր Տոնոյանը:
Կարդացեք նաև
Ո՛չ Ջանիբեկ Հայրապետյանից, ո՛չ էլ Ծառուկյանի մամուլի խոսնակ Իվետա Տոնոյանից համարանիշի փոփոխման վերաբերյալ մեկնաբանություն ստանալ չհաջողվեց:
Սյուզաննա ՊՈՂՈՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
