ԵԱՏՄ մաքսային մուտքերի նոր բաշխումներ են եղել, ինչի արդյունքում, ԵԱՏՄ մաքսային մուտքերից գոյացող գումարի 1․22 տոկոսը բաժին է հասնելու Հայաստանին։ Այս մասին այսօր ընթացող հանձնաժողովների համատեղ նիստում 2020 թվականի բյուջեի քննարկումների ժամանակ ասաց ՀՀ ֆինանսների նախարար Ատոմ Ջանջուղազյանը: Մաքսատուրքերի բախշման նոր կարգի համաձայն, Հայաստանին այս տարի կհատկացվի լրացուցիչ 12 միլիարդ դրամ։
Ձեռքբերումը դրական որակելով`նախարարն ասաց նաեւ, որ սույն պայմանավորվածությունը անժամկետ է։
Ավելի ուշ ՀՀ էկոնոմիկայի նախարարի տեղակալ Վարոս Սիմոնյանն էլ խոսելով ԵԱՏՄ-ի ընդլայնման հնարավորությունների մասին, ասաց, որ Եգիպտոսի եւ ԵԱՏՄ-ի միջեւ ազատ առեւտրի գոտի ստեղծելու բանակցություններում, Հայաստանը ոչ պաշտոնական լիդերն է:
Համաձայնագիրն, ըստ փոխնախարարի, պատրաստ կլինի առաջիկա ամիսների ընթացքում, ինչի արդյունքում, ԵԱՏՄ երկրներն ազատ մուտք կունենան աֆրիկյան մայրցամաք։
Կարդացեք նաև
Նելլի ԳՐԻԳՈՐՅԱՆ
