Պետական եկամուտների կոմիտեից «ՉԻ»–ին փոխանցած տվյալների համաձայն՝ 2018 թվականին ՀՀ բենզին է ներմուծվել 5 կազմակերպությունների կողմից «էյ բի էքսպորտ», «Ֆլեշ», «Ռուսնեֆտ էքսպորտ», «Սիփիէս օիլ քորփորեյշն» եւ «Պլատինիում Օյլ»:
Այս տարի, սակայն, բենզին ներկրողներն ավելանալու փոխարեն մեկով պակասել են։
Ըստ Պետական եկամուտների կոմիտեի կողմից տրամադրած տեղեկատվության 2019 թվականին ներկրում իրականացրել են «Պլատինիում Օյլե» «Ֆլեշ», «Սիփիէս օիլ քորփորեյշն» եւ «Սիփիէս օիլ» ընկերությունները։
Ստացվում է, որ շուկան լքել են 2 խաղացողներ «Ռուսնեֆտ էքսպորտը» եւ «էյ բի էքսպորտը», փոխարենը հայտնվել է նոր տնտեսվարող «Սիփիէս օիլը»։
Կարդացեք նաև
ՀՀ արդարադատության նախարարության աշխատակազմի իրավաբանական անձանց պետական ռեգիստրի գործակալության համաձայն «Պլատինիում Օյլ» ընկերության հիմնադիրն Աղասի Մանուկյանն է, գործունեությունը սկսել է անցյալ տարվանից։
Իսկ «Էյ բի էքսպորտ» ՍՊԸ-ն 2016–ին հիմնադրել է Արման Ղազարյանը։ Այն այժմ իր գործունեությունը դադարեցրել է։
«Ռուսնեֆտ էքսպորտ» ՍՊԸ-ի հիմնադիրը պետռեգիստրում գրանցված է Աշոտ Սալազարյանը։ Ընկերությունը գործունեությունը սկսել է 2018-ին, բայց այժմ մասնակցությունը դադարեցված է։
«Սիփիէս օիլ քորփորեյշն» ՍՊԸ-ի հիմնադիրը նույնպես Աշոտ Սալազարյանն է։ Ընկերությունը բացվել է 2012 թվականին։
Նրա անունով է գրանցված բենզինի շուկայում նոր խաղացող «ՍիՓիէս օիլ» ՍՊԸ-ն։ Պետռեգիստրում նշված է, որ հիմնադիր Աշոտ Սալազարյանն իր մասնակցությունը դադարեցրել է։ Ճշտեցինք, որ «ՍիՓիէս Օիլի» տնօրենն այժմ Արթուր Դանիելյանն է։ Ակնհայտ է, որ տեղի է ունեցել ընկերության գործունեության վերաբաշխում, ինչի արդյունքում գործառույթների մի մասը փոխանցվել է նորաբաց «ՍիՓիէս Օիլին»:
Մանյա ՊՈՂՈՍՅԱՆ
Հոդվածն ամբողջությամբ կարող եք կարդալ «Չորրորդ իշխանություն » թերթի այսօրվա համարում
