Փառք Աստծո, չնայած ուշացումով, բայց ԱՄՆ Կոնգրեսի ներկայացուցիչների պալատում ընդունվեց Հայոց ցեղասպանությունը ճանաչող բանաձեւը:
Այո, որպեսզի այլեւս մարդկությունն ակնատես չլինի ցեղասպանությունների, պետք է ճանաչվի եւ դատապարտվի յուրաքանչյուր ցեղասպանություն: Այսօր էլ մենք՝ եզդիներս, աղոթում ենք մեր անմեղ զոհերի հիշատակի համար եւ հավատացած ենք, որ 2014թ. Շանգալի եզդիների ցեղասպանությունը չէր լինի, եթե ժամանակին մարդկությունը ճանաչեր եւ դատապարտեր Հայոց ցեղասպանությունը:
Ողջունում ենք ԱՄՆ Կոնգրեսի ներկայացուցիչների պալատի պատմական քվեարկությունը: Եվ կրկին անգամ հայտնում ենք՝ մարդիկ, ցեղասպանության ճանաչումն է ցեղասպանությունների դեմ պայքարի հիմնական միջոցը: Աղոթում ենք բոլոր անմեղ զոհերի համար եւ հավատով սպասում ենք ճշմարտության ձայնին եւ արդարության հաղթանակին:
Հաջորդը Սենատի բանաձեւն է:
Կարդացեք նաև
Ամո ՇԱՐՈՅԱՆ
«Միդիա-Շանգալ» եզդիների ազգային միավորում հ/կ խորհրդի նախագահ
«Առավոտ» օրաթերթ
31.10.2019
