Իսրայելցի քաղաքական գործիչները իրենց երկրի իշխանություններին կոչ են անում ճանաչել Հայոց ցեղասպանությունը՝ հետևելով ԱՄՆ Ներկայացուցիչների պալատի օրինակին:
Մասնավորապես, նման կոչով հանդես է եկել Իսրայելի ՆԳ նախկին նախարար Գիդեոն Սաարը՝ «Լիկուդ» կուսակցությունից: Այս մասին նա գրառում է արել թվիթերյան իր էջում: «Ողջունում եմ ԱՄՆ Ներկայացուցիչների պալատի բարոյական և սկզբունքային դիրքորոշումը 100 տարի առաջ հայերի զանգվածային սպանությունը ցեղասպանություն ճանաչելու համար»,-գրել է քաղաքական գործիչը՝ կոչ անելով Իսրայելին հստակեցնել իր դիրքորոշումը: Սաարն օգտագործել է #genocide հեշթեգը:
«Կապույտներ և սպիակներ» կուսակցության առաջնորդներից մեկն էլ՝ Յաիր Լապիդը, Թվիթերում գրել է ԱՄՆ Ներկայացուցիչների պալատի կողմից Հայոց ցեղասպանության ճանաչումը ուղղված է պատմական արդարության և ճշմարտության վերականգնմանը: «Չպետք է թույլ տալ, որպեսզի Թուրքիան ահաբեկի աշխարհը՝ ժխտելով Ցեղասպանությունը: Կպայքարեմ, որպեսզի Իսրայելը ճանաչի Հայոց ցեղասպանությունը»,-գրել է նա:
Պատրաստեց՝ Վիկտորյա ԱՆԴՐԵԱՍՅԱՆԸ
