«Արման Բաբաջանյանի դիմումը ստացվել է: Այն սահմանված կարգով մուտքագրվել է և ուսումնասիրվում է Վարդուհի Իշխանյանի գրառման հետ համադրության մեջ՝ նկատի ունենալով նաև այդ գրառման մեջ առկա այլ իրավապահ մարմիններին ուղղված կոչերը»,- Aravot.am-ին հայտնեց ՀՀ գլխավոր դատախազի խորհրդական Գոռ Աբրահամյանը՝ անդրադառնալով ԱԺ պատգամավոր Արման Բաբաջանյանի դիմումին:
Հիշեցնենք, որ պատգամավորը դիմել էր գլխավոր դատախազ Արթուր Դավթյանին՝ կապված Հանրային խորհրդի նախագահ Վազգեն Մանուկյանի կնոջ՝ Վարդուհի Իշխանյանի գրառման հետ՝ խնդրելով վերջինիցս վերցնել գրավոր հաղորդում եւ ուսումնասիրել իր ֆինանսական աղբյուրները, ինչպես իր դիմումի մեջ նշել էր Վարդուհի Իշխանյանը:
«Մինչև օրվա մյուս՝ ներքաղաքական և արտաքին քաղաքական շատ ավելի կարևոր հարցերին անդրադառնալը վաղ առավոտյան դիմեցի Գլխավոր դատախազ Արթուր Դավթյանին»,- իր ֆեյսբուքյան իր էջում գրել է Արման Բաբաջանյանը և դիմումի լուսանկարները հրապարակել:
Հիշեցնենք նաեւ, որ Վարդուհի Իշխանյանը ֆեյսբուքյան իր էջում՝ դիմելով գլխավոր դատախազին, խնդրել էր պարզի Բաբաջանյանի ֆինասական աղբյուրները,որտեղից են նրա շքեղ տունը, հարուստ ԶԼՄ-ն։
Կարդացեք նաև
Արփինե ՍԻՄՈՆՅԱՆ
