«Երբ գալիս ես իշխանության, թվում է, թե ամեն ինչ քեզ է պատկանում, իսկ իրականում ամեն երկրի ղեկավար ունի սահմանափակումներ: Իշխանության ինստիտուտների տարանջատումը շատ կարեւոր է: Երբ գալիս ես իշխանության, պետք է իմանաս, որ անկախ մամուլին ձեռք տալ չի կարելի, որ չես կարող ասել, թե ՍԴ-ն պետք է քեզ ենթարկվի, որ կան սահմանափակումներ»,-«Մամուլի ազգային ակումբում» այսօր լրագրողների հետ զրույցում անդրադառնալով ՍԴ նախագահ Հրայր Թովմասյանի լիազորությունների դադարեցմանը միտված «Իմ քայլը» խմբակցության գործողություններին, ասաց Հանրային խորհրդի նախագահ Վազգեն Մանուկյանը:
https://www.facebook.com/aravot.am/videos/764548610653172/
Սահմանափակումներից մեկը, նրա բնորոշմամբ, անկախ Սահմանադրական դատարանն է. «Նախկինում ՍԴ-ն շատ կապված էր գործադիր իշխանության հետ, թեեւ ուներ անկախություն, բայց ազդեցության տակ էր: Հիմա աննախադեպ է: ՍԴ նախագահ է մի մարդ, որը շատ ինքնուրույն է եւ ենթարկվում է օրենքներին: ՀՀ-ում որեւէ մեկին ռենտգենի տակ չեն գցել այնպես, ինչպես նրան, որովհետեւ նա մաքուր է: Նա պայքարում է ՍԴ-ն անկախ պահելու համար»:
Կարդացեք նաև
Անդրադառնալով փաստին, որ ԱԱԾ-ն հարցեր է ուղղել Հրայր Թովմասյանի դուստրերին եւ հորը, Վազգեն Մանուկյանը կատարվածը ծիծաղելի որակեց. «Դա նաեւ հարիր չէ նորմալ պետությանը: Ուզում են Հրայր Թովմասյանի տեղն ազատել, որ ուրիշը լինի: Տեղի խնդիր է»:
Լուիզա ՍՈՒՔԻԱՍՅԱՆ
