Վաշինգտոն – Միացյալ Նահանգների Ներկայացուցիչների պալատի Կանոնների հանձնաժողովը ընդունեց կանոն Հայոց Ցեղասպանության բանաձև H.Res.296-ի քննարկման համար՝ Ներկայացուցիչների պալատի դահլիճում քվեարկության համար հիմք նախապատրաստելով՝ հայտնեց Ամերիկայի հայկական համագումարը:
«Մենք ողջունում ենք այն գործողությունները, որոնք ձեռնարկվել են Կանոնների հանձնաժողովի կողմից, որը ղեկավարում է հանձնաժողովի նախագահ Ջեյմս ՄաքԳավերնը, ինչպես նաև հանձնաժողովի անդամ Դոնա Շալալայի խոսքերը և Ներկայացուցիչների պալատի Արտաքին հարաբերությունների հանձնաժողովի նախագահ Էլիոթ Էնգելի հզոր վկայությունը՝ Կոնգրեսականներ Քրիս Սմիթի և Աննա Էշուի հետ միասին»,- հայտարարեց Ամերիկայի հայկական համագումարի գործադիր տնօրեն Բրայան Արդունին:
«Այսօր H.Res.296-ի համար կանոնի ընդունումը հիմք է նախապատրաստում Ներկայացուցիչների պալատի դահլիճում պատմական քվեարկության համար: Ինչպես ընդգծեց հանձնաժողովի նախագահ ՄաքԳավերնը, եթե մեր պատմության մութ էջերը չեն ճանաչվում՝ դրանք դատապարտված են կրկնվելու: Մենք կոչ ենք անում բոլոր անդամներին աջակցել այս երկկուսակցական մարդու իրավունքների օրինագծին և ապահովել, որ ցեղասպանության ժխտման օրերն ավարտվել են, և որ Ամերիկայի պատմության հպարտ էջերը՝ քսաներորդ դարի առաջին ցեղասպանությունը վերապրածներին օգնելու վերաբերյալ, մեծարվեն և պահպանվեն»,- շարունակեց Արդունին:
Ամերիկայի հայկական համագումար
