Այսօր խորհրդարանում 2020 թվականի բյուջեի քննարկումները հանձնաժողովների համատեղ նիստերում մեկնարկեցին ԱՄՆ Կոնգրեսի ներկայացուցիչների պալատում ձայների մեծամասնությամբ`405 կողմ, ընդունված Հայոց ցեղասպանությունը ճանաչող թիվ 296 բանաձեւին անդրադարձով: Ճանաչման հետ մեկտեղ՝ այն կոչ է անում միջոցներ ձեռնարկել Ցեղասպանության ժխտման դեմ ու կրթական ծրագրերի միջոցով խրախուսել Ցեղասպանության մասին տեղեկացվածությունն ու հանրային ընկալման մեծացումը:
ԱԺ «Իմ քայլը» խմբակցության պատգամավոր Արտակ Մանուկյանն իր գոհունակությունը հայտնեց ԱՄՆ Կոնգրեսի ներկայացուցիչների պալատում ընդունված բանաձեւի առիթով`նկատելով. «Կարծում եմ, սա շատ կարեւոր քայլ է եւ էլ ավելի պետք է նպաստի ցեղասպանության հարցերի միջազգայնացմանը»:
ԱԺ պետաիրավական հարցերի հանձնաժողովի նախագահ Վլադիմիր Վարդանյանն էլ այսպես արձագանքեց. «Ուշացա,ծ բայց անհրաժեշտ քայլ էր ԱՄՆ-ի կողմից»:
Նելլի ԳՐԻԳՈՐՅԱՆ
