Վաշինգտոն – Ամերիկայի հայկական համագումարն ողջունում է Ամերիկայի հրեական հանձնաժողովի (AJC) աջակցությունը Հայոց ցեղասպանության օրինագիծ H.Res.296-ին, որը շուտով քվեարկության կդրվի Ներկայացուցիչների պալատում:
«Այս շաբաթ ԱՄՆ Կոնգրեսը բանաձև է քննարկելու #ArmenianGenocide-ի [Հայոց ցեղասպանություն] վերաբերյալ: 1915թ.-ից սկսած` Օսմանյան կայսրությունը զանգվածային ոչնչացման ենթարկեց հայ քրիստոնյա բնակչությանը: 20-րդ դարի 1-ին ցեղասպանությունը: Մինչ օրս Թուրքիան փորձում է ժխտել այս փաստագրված հանցագործությունը: Թույլ մի տվեք դա: Ահա թե ինչու ենք մենք աջակցում H.Res.296-ին»,- հայտարարեց AJC-ի գործադիր տնօրեն Դեյվիդ Հարիսը:
«Ամերիկայի հայկական համագումարը ողջունում է AJC-ի հանրային աջակցությունը H.Res.296-ին: Եթե տեղի չունենար 1915թ.-ի Հայոց ցեղասպանությունը, ապա Հիտլերը միգուցե չկարողանար սանձազերծել սարսափելի արարքներ հրեական բնակչության դեմ ամբողջ Եվրոպայում: Միացյալ Նահանգներում հայկական և հրեական համայնքները շատ ընդհանուր բան ունեն և տասնամյակներ շարունակ բարեկամական հարաբերությունների մեջ են եղել: Միլիոնավոր ամերիկացի հրեաների ու ամերիկահայերի միասնությունը ճշմարտության համար պայքարելու գործում հզոր է: Մենք գնահատում ենք ամերիկացի հրեաների համայնքի աջակցությունը և անհամբեր սպասում ենք մարդու իրավունքների այս կարևոր օրինագծի ընդունմանը»,- ասացին Ամերիկայի հայկական համագումարի համանախագահներ Էնթոնի Բարսամյանը և Վան Գրիգորյանը:
2015թ.-ին՝ Հայոց ցեղասպանության հարյուրամյակի տարելիցի առիթով, Հարիսը հայտարարեց. «AJC-ը միանում է ամբողջ աշխարհի այն մարդկանց, ովքեր կանգ են առել՝ վշտալի հարգանքի տուրք մատուցելու Օսմանյան կայսրության վերջին տարիներին իրագործված Մեծ Եղեռնի՝ հայերի ցեղասպանության մոտ 1,5 միլիոն զոհերի հիշատակին»:
Կարդացեք նաև
AJC-ի աջակցությունը գումարվում է համայնքային կազմակերպությունների աճող տենդենցին՝ ի աջակցություն ԱՄՆ-ի կողմից Հայոց ցեղասպանության վերահաստատման, որը սկսվել է 1989թ.-ին՝ Ամերիկայի եբրայական միաբանության միության հետ:
Ամերիկայի հայկական համագումար
