«Միջազգային եւ անվտանգության հարցերի հայկական ինստիտուտ»-ում այսօր Հոկտեմբերի 27-ի տարելիցին նվիրված քննարկման ժամանակ ինստիտուտի տնօրեն, քաղաքագետ Ստյոպա Սաֆարյանը նախ ուշադրություն հրավիրեց մի դրվագի վրա:
Հիշեցրեց, որ գործով վկաներից Տիգրան Նազարյանը ժամանակին, երբ արդեն գտնվում էր ԱՄՆ-ում, հարցմանն ի պատասխան, թե արդյոք ձայնագրվե՞լ է Ռոբերտ Քոչարյանի եւ Նաիրի Հունանյանի փակ խոսակցությունը, պատասխանել էր, որ ԱԺ խոսափողների կարմիր լույսը միացված է եղել: Սաֆարյանի խոսքով՝ այդ պատասխանով Նազարյանը հաստատել էր, որ ձայնագրվել է: «Դրանից հետո Տիգրան Նազարյանն ԱԱԾ երկու պաշտոնյաներից սպառնալիքներ էր ստացել: Շուտով կհրապարակենք նրանց անունները: Նրանք սպառնացել էին այլեւս չվերադառնալ ՀՀ»,-հայտարարեց Ստյոպա Սաֆարյանը:
Նա նաեւ նշեց. «Ըստ գործի նյութերի՝ ցուցմունքների, ԱԱԾ գործակալների մոտ Նաիրի Հունանյանը հայտարարել է իր մտադրությունների մասին: Դա անուշադրության է մատնվել, թեեւ դատարանում դա հնչել է: Պարզվում է, որ սպանությունից հետո ԱԱԾ-ում եղել են պաշտոնյաներ, որոնք շարունակել են խոչընդոտել վկաների՝ ՀՀ վերադառնալուն: Բոլորը գիտեն, որ Տիգրան Նազարյանն ԱԱԾ աշխատակից էր Հանրային հեռուստաընկերությունում»:
Սաֆարյանը նաեւ հիշեցրեց՝ հայտնի չէ, թե Հունանյանի եւ Քոչարյանի զրույցն ինչ ճակատագրի է արժանացել՝ գաղտնի՞ է պահվում, թե ոչնչացվել է:
Կարդացեք նաև
Լուիզա ՍՈՒՔԻԱՍՅԱՆ
ԴԵ, հո չեք? թողնի Արման Բաբաջանյանը ձեզնից առաջ ընկնի….