«Միջազգային եւ անվտանգության հարցերի հայկական ինստիտուտ»-ում այսօր Հոկտեմբերի 27-ի տարելիցին նվիրված քննարկման ժամանակ պատգամավոր Արման Բաբաջանյանն ուշագրավ հայտարարություն արեց՝ կապված իր եւ ոճրագործության հեղինակ Նաիրի Հունանյանի հետ ՔԿՀ-ում հանդիպումից:
Արման Բաբաջանյանը նշեց. «Նաիրի Հունանյանը չի համարում, որ նպատակ է ունեցել սպանել Կարեն Դեմիրճյանին եւ Վազգեն Սարգսյանին: Նա ինչ-որ բաներ էր նկարագրում, ասում, որ «ԱԺ-ի փայտերը շատ ամուր էին, սովետական, կրակեցինք»… Հիշեցրի Վազգեն Սարգսյանին ուղղված հարվածների մասին, բայց չուզեց խոսել: Նա իրապես համոզված է, որ առաքելություն է ունեցել»:
https://www.facebook.com/aravot.am/videos/469015077050698/
Արման Բաբաջանյանը շարունակեց. «Որպես նորություն ասեմ: Նաիրի Հունանյանն ասաց՝ ինքը վստահ է, որ եթե ինքը չիրագործեր իր ոճիրը, ՀՀ-ի համար շատ ավելի վատ էր լինելու: Հարցրի՝ չես բացառե՞լ, որ քեզ կարող է չհաջողվեր իշխանություն վերցնել, եւ այն կմնար Ռոբերտ Քոչարյանին, ով այդ դահլիճում չէր: Նաիրի Հունանյանը վստահ է եղել, որ կարող է չհաջողել, եւ եթե իշխանությունը մնար Ռոբերտ Քոչարյանին, դա շատ ավելի լավ ելք կլիներ ՀՀ-ի համար, քան թե այն, որ իշխանությունը մնար Վազգեն Սարգսյանին: Սա առաջին անգամ եմ հայտարարում: Կրկնեմ իր խոսքը՝ դա նվազագույնն էր…»:
Կարդացեք նաև
Ինչ վերաբերում է հարցին, թե արդյոք խոսք եղե՞լ է ՀՀ նոր իշխանությունների մասին, Արման Բաբաջանյանը նշեց. «Ասաց, որ ՀՀ նոր իշխանությանն անձնապես չի ճանաչում եւ վատ է վերաբերում: Մանրամասները չեմ կարող բացահայտել»:
Լուիզա ՍՈՒՔԻԱՍՅԱՆ
