Բաքվում տեղի ունեցած Չմիացած երկրների շարժման 18-րդ գագաթնաժողովի մասնակիցները չորս փաստաթուղթ են ընդունել: Ինչպես հաղորդում է Interfax գործակալության ադրբեջանական ծառայությունը, գագաթնաժողովի մասնակիցները ընդունել են հետևյալ փաստաթղթերը՝ Բաքվի քաղաքական հռչակագիր, Շնորհակալություն և համերաշխություն Ադրբեջանին և ադրբեջանցի ժողովրդին, ինչպես նաև հռչակագիր Պաղեստինի վերաբերյալ:
Trend ադրբեջանական գործակալությունն էլ՝ հղում անելով PolitRUS վերլուծական ցանցի հիմնադիր և ղեկավար Վիտալի Արկովին, հաղորդում է, որ Բաքվի հռչակագրում գագաթնաժողովի մասնակիցները՝ 120 երկրի ներկայացուցիչներ, իրենց աջակցությունն են հայտնել Ադրբեջանի՝ «տարածքային ամբողջականությունը վերականգնելու ջանքերին»:
Ավելի վաղ հաղորդել էինք, որ ՌԴ նախագահ Վլադիմիր Պուտինը ողջունել է Չմիացած երկրների շարժման գագաթնաժողովի մասնակիցներին՝ ընդգծելով, որ Մոսկվան հետևողականորեն աջակցում է Չմիացված երկրների շարժման ջանքերին:
Նշենք, որ Չմիացած երկրների շարժման 18-րդ գագաթնաժողովը տեղի է ունեցել հոկտեմբերի 25-26-ին Ադրբեջանի մայրաքաղաք Բաքվում: Գագաթնաժողովին մասնակցել են 158 երկրների և միջազգային կազմակերպությունների պատվիրակություններ: Շուրջ 60 երկիր ներկայացված է եղել պետությունների և կառավարությունների ղեկավարների մակարդակովը: Հայաստանը, որը կազմակերպությունում ունի դիտորդի կարգավիճակ, չի մասնակցել գագաթնաժողովին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
