Ռուսաստանի նախագահ Վլադիմիր Պուտինը ողջունել է Չմիացած երկրների շարժման գագաթնաժողովի մասնակիցներին: Ողջույնի տեքստը հրապարակել է Կրեմլի պաշտոնական կայքը:
Պուտինն ընդգծել է, որ Ռուսաստանը հետևողականորեն աջակցում է Չմիացված երկրների շարժման ջանքերը՝ ուղղված աշխարհակարգի բազմաբևեռ համակարգի ստեղծմանը, հավասար միջազգային երկխոսության զարգացմանը և համագործակցությանը:
Ռուսաստանի նախագահը նաև նշել է, որ գագաթնաժողովն անցկացվում է միջազգային ծանր պայմաններում, երբ աշխարհի մի շարք շրջաններում նկատվում է զինված հակամարտությունների էսկալացիա, ինչն էլ բարդացնում է մի շարք խնդիրների լուծումը, այդ թվում՝ պայքարն աղքատության և սովի դեմ:
Պուտինը համոզմունք է հայտնել, որ ապագայում Չմիացած երկրների շարժման և Ռուսաստանի միջև համագործակցությունը կնպաստի անվտանգության ամրապնդմանը, ինչպես տարածաշրջանում, այնպես էլ գլոբալ մակարդակում:
Կարդացեք նաև
Նշենք, որ Չմիացած երկրների շարժման 18-րդ գագաթնաժողովը տեղի է ունեցել Ադրբեջանի մայրաքաղաք Բաքվում: Գագաթնաժողովին մասնակցել են 158 երկրների և միջազգային կազմակերպությունների պատվիրակություններ: Շուրջ 60 երկիր ներկայացված է եղել պետությունների և կառավարությունների ղեկավարների մակարդակովը: Հայաստանը, որը կազմակերպությունում ունի դիտորդի կարգավիճակ, չի մասնակցել գագաթնաժողովին:
Պատրաստեց՝ Վիկտորյա ԱՆԴՐԵԱՍՅԱՆԸ
